LAOAG CITY – Rimuar iti tinawen nga intelligence report ti Amerika a saan a planplanwen iti agdama ti China a rauten ti Taiwan intono 2027.
Basar iti Annual Threat Assessment report, awan met ti fixed timeline tapno magun-od ti unification wenno panagmaymaysa ti Taiwan ken China.
Maipalagip nga iti napalabas a tawen, na-flag ti US Department of Defence officials nga iti sumaruno a tawen ti possible a timeline para iti nasao a panagatake.
Nupay kasta, basar iti reports, ammo dagiti Chinese officials, agbalin a narigat ket adda ti dakkel a tiyansa na a mapaay ti panagraot iti Taiwan iti babaen ti baybay, aglalo no makibiang ti Amerika.
Nailanad pay iti report nga ipetpetteng ti China a ti unification iti Taiwan ket kasapulan a magun-od nga umuna ti kalkalikagoman da para iti national rejuvenation iti tawen 2049, nabaybayag a potensiyal a timeline tapno magun-od ti kalikagom da.
Gapu iti daytoy, ikonkonsiderar iti China ti ado a factors iti desisyon na tapno rauten ti Taiwan karaman ti kinasagana ti military, pulitika iti isla ken no makibiang ti Estados Unidos.
