Kinondenar ni dati a Department of Interior and Local Government (DILG) Sec. Rafael Alunan ti kontrobersial a rakurak ni Chinese Ambassador Jing Quan ken inawaganna ti Chinese evoy nga “impolite” ken “belligerent”.
Segun ken ni Alunan, no saan nga agkiddaw ti public apology kadagiti Pilipino ti gangannaet nga opisial, rumbeng laeng nga ipaayan ni Presidente Ferdinand Marcos Jr. ti pagmennamennaan na iti Good Manners and Right Conduct.
Maipalagip nga immunan nga inbatad ni Presidente Marcos a posible a paayabanna ti Chinese envoy, kagedda ti panagpangta daytoy.
Kinunana pay a kasapulan met a kastigaren ti presidente gapu iti pangta nga inaramid na kabayatan nga adda iti tertorio ti pagilian.
