LAOAG CITY – Naaresatar ti naakusaran a Chinese a gimmatang ti spray paint a nausar iti naisurat a “toilet” iti controversial Japanese shrine.
Nagtaud ti riribok kalpasan ti napasamak nga insidente iti Yasukuni a mangdaydayaw kadagiti natay iti gubat ti nasao pagilian pakairamanan dagiti sumagmamano a nasentensiaan iti war crimes .
Inarestar ti otoridad ti ummuna a tallo a suspek ken nangiparuk-at ti warrants para iti dua pay a lallaki.
Segun iti impormasion, timmalaw dagiti sabali pay dua a lallaki iti Japan kalpasan ti maipagarup a pakairamananda iti nasao nga insidente no sadinno agdagup ti 4.2 million ti nadadael.
Mainaig iti daytoy, iti napalpalabas a tawen, ti shrine ket rason ti panagsusupiat iti nagbaetan ti Japan, China ken South Korea.
Kabayatanna, idi tawen 2014, idi bimisita ni prime minister Shinzo Abe, kinuna ti China a ti panagbisita ket nangiparang ti saan nga umiso a kababalin iti pakasaritaan nga inadaptar babaen ti agdama a gabinete ti Japan.
