LAOAG CITY – Naglikudan ni Chinese President Xi Jinping a supsuportaranna ti Russia iti panangrautda iti Ukraine.
Daytoy ti nagbalin a rakurakna iti pannakitaripnongna ken ni French President Emmanuel Macron ken European Commission President Ursula von der Leyen.
Inpettengna a saan nga aramid ti China a mangirugi ti krisis ken isuda pay mismo ti mangilunglungalong ti kinakapia.
Ti nasao a rakurak ket kagiddan ti alegasion ti Estados Unidos a mangipapaay ti armas ti China iti Russia.
Iti agdama ket adda idiay Europa ni Xi para iti innem nga aldaw a panagbisita ken ilungalong ti natibker a panagkadua ti China iti Europa.
