LAOAG CITY – Inbatad ni Dr. Rodrigo Catcatan, ti City Health Officer ditoy ciudad ti Laoag nga awan pay ti naitaray iti City Health Office a nakarikna ti epekto ti kinabara ti panawen.
Iti baet daytoy, nagpanawagan ni Catcatan iti publiko nga nga ugalien ti uminom ti ado a danom.
Inbalakad na pay a no awan ti napateg nga aramiden iti ruwar ket agtalinaed laengen iti uneg ti pagtaengan, ken no rumwar ket agusar ti pangprotekta ti bagi kas iti payong ken kallugong.
Innayon na a nasaysayaat no agusar kadagiti nalawa ken komportable a bado ita a panawen ti kalgaw.
Kabayatanna, kuna ti city health officer a no adda ti saan a nasayaat a marikrikna ti maysa a tao ket insigida nga itaray iti ospital tapno mataming a dagus.
