LAOAG CITY – Nagpannawagan ti City Health Office ditoy siudad ti Laoag kadagiti residente nga agan-annad kadagiti ipauneg da a taraon ita a paskwa.
Segun ken ni Dr. Rodrigo Catcatan, City Health Officer ditoy siudad a nupay nupay nasayaat ti panangrambak iti Paskua babaen kadagiti naimas a taraon ket napateg latta ti panagannad.
Inpettengna a nasken nga aganannad kadagiti taraon a nataba kas iti letchon a kadawyan a maisagana iti Paskua
Kinunana a nasaysayaat no mangraman laeng kadagiti nadakamat a taron ken saan a sobsobraan.
Immuna iti daytoy, nagpalagip ti Department of Health (DOH) iti publiko a liklikan ti nalabes a panagpangan ti nasam-it, naapgad ken nataba a taron apaman nga umasmasideg ti paskwa gapo ta dagitoy ket mangitunda ti nagduduma a sakit kas iti highblood, diabetes ken dagiti nagduduma a non-communicable disease a pakiramanan ti panagbalin nga overweight wenno obese a makaapektar iti salun-at ti puso ken nagduduma a paset ti bagi iti maysa nga indibidwal.
