LAOAG CITY – Nagballaag ni Dr. Rodrigo Catcatan, ti mangidadaulo iti City Health Office ditoy ciudad ti Laoag kadagiti umili a bantayan a naimbag ti kasasaad ti bagi ita panawen ti kalgaw.
Segun kenkuana, ugalien iti uminom iti danom ken liklikan iti mapan iti kapudotan tapno saan a makaptan iti ania man a sakit a maala gapu iti kinabara ti panawen.
Inbatad na nga ita a panawen ti kalgaw ket siguraduen a kitaen pay dagiti ipauneg a taraon gapu ta alisto laeng a mabangles wenno maperdi a mangitunda ti panagsakit ti buksit.
Innayon na nga ita a panawen ti kalgaw ket ugalien iti agusar iti payong, jacket ken dadduma pay a pangprotehir ti bagi manipod iti darang ti init tapno maiyadayo kadagiti nagduduma a sakit.
