LAOAG CITY – Inrakurak ni Ukrainian President Volodymyr Zelensky idi Biernes a ti maysa a Russian drone ket nangitunda iti dakkel a pannakadadael ti radiation containment shelter iti saan a maus-usar a nuclear plant a chornobyl nuclear.
Agpada nga inpakaammo ni Zelensky ken ti Atomic Energy Watchdog ti UN a nagtalinaed a normal ti radiation levels no sadinno a simmangpet dagiti nangangato nga opisial ti Estados Unidos, Ukraine ken Europa iti Munich Security Conference tapno pagsaritaanda ti gubat idiay Ukraine.
Inbatad ti Chief Engineer ti Chornobyl Station a bimtak ti maysa a drone iti uneg ken dinadaelna ti estruktura a nairanta a mangprotehir iti radiation tapno saan nga agwaras.
Inlawlawag ni Maria Zakharova, pannakangiwat ti Russian Foreign Ministry, inakusaranna ni Zelensky a nang-orkestra iti drone attack tapno maigiddan iti Munich event kas paset ti panangikagumaan a makagun-od iti ad-adu pay nga armas ken kuarta manipud iti laud.
Naammoan a ti Russia ket sinakupna ti planta ken ti aglawlaw iti nasurok a makabulan kabayatan ti panangikagumaanna a maala ti kabisera ti Ukraine a Kyiv iti rugi ti panagraut.
Kabayatanna, ti drone ti nangdungpar iti radiation shelter, a nangitunda ti uram a naiddep idi kas maibasar ken ni Zelensky iti Telegram app.
