LAOAG CITY –Kinumpirmaran dagiti opisial ti Tennessee a napaayda a mangiyuswat ti pannusa a pannakatay ken ni Christina Gail Pike mainaig ti panagpapatay nga inaramidna idi 1995, kalpasan a maipaayan ti dua a lethal injection.
Segun kadagiti abogadona, nakitada daytoy a nakariing pay laeng ken napisa ti urokna kalpasan ti umuna a gandatda a mangagipaay ti pannusa a pannakatay. Saan a nagbayag ket naitaray met alaeng daytoy iti babaen ti ambulansia.
Ti pannusa ni Pike ket gapu iti inaramidna a krimen idi agtawen ti 18 daytoy no sadinno a no agballigi ti pannusa ket isuna ti kaunnaan a babai a mabitay iti Tenessee iti uneg ti sumurok 200 a tawen.
Kabayatanna, kinuna met ni Robin M. Maher, ti executive director ti Death Penalty Information Center a ti kapadsan ni Pike ket naidumduma ken awan kapadana iti pakasaritaan ti Tennessee.
