LAOAG CITY – Nailanad iti maika-14 nga impeachment trial ni Vice President Sara Duterte ti listaan dagiti aktibidad a nakaikaabilan ti confidential funds ti Office of the Vice President (OVP) idi Disiembre 2022.
Iti panagsango iti witness stand ti testigo ti prosekusion ita nga aldaw ti Martes, Agosto 11, a ni Xylene Mae Del Ocampo, supervising auditor ti COA-Intelligence and Confidential Funds Office (COA-ACFAO), no sadinno ket timmestigo daytoy mainaig iti panagusar ti pondo ti Office of the Vice President ket dagiti:
December 13 – Partners Appreciation Night in Mandaluyong City
December 15 – Knights of Rizal Supreme Council – 60th Year of the Institute in Baguio City – Youth Campaign on Patriotism
December 17 – Christmas Activity in Happyland Tondo, Manila
Christmas Activity and Exploration Meeting of Extension Office Brgy. 101 in Tondo, Manila
Pasasalamat and Update Meeting of TODA in Barangay Batasan Hills Quezon City
Pasasalamat and Consultation Meeting with TNVS Angkas and Food Delivery in Quezon City
Pasasalamat and Update Meeting with PWD Sector in Quezon City
Malaksid kadagitoy, karaman pay a nakalista kadagiti dokumento dagiti tree-planting activities, panagited ti wheelchairs ken medical missions.
Mainig iti daytoy, naamoan iti panagdengngeg a naiwayat dagiti nasao nga aktibidad ket manipud idi Disiembre 13 agingga 31, 2022.
Gapu iti daytoy, simmang-ayon ni Del Ocampo itay saludsuden ni Presiding Officer Francis Escudero no ti pondo a naiparuk-at manipud idi Disiembre 21 ket saan a mabalin nga aramaten para iti pannaka-reimburse dagiti nagastos sakbay ti nasao nga aldaw.
Malaksid iti daytoy, impakaammo ni Del Campo iti Senate Imeachment Court a nangisubmitir ti Office of the Vice President ti sungbatda iti Commission on Audit idi Marso 13, 2024 kalpasan ti pannakaisyuda ti notice of suspenson mainaig iti confidential funds.
