LAOAG CITY – Kitkitaen ti Senate Impeachment Court a maysa kadagiti posible nga agbalin nga opsyonda ti panag-contempt no bilang agpatangken ti Kamara ken saan a sumungbat kadagiti dawdawaten a resolusion mainaig iti impeachment case kontra ken ni Vice President Sara Duterte.
Segun iti pannakangiwat ti impeachment court a ni Atty. Reginald Tongol, nailanad iti rule 7 ti impeachment rules nga adda ti bileg ti presiding officer wenno ti korte nga i-motu-proprio ken ipa-cite for contempt ti asinoman.
Inlawlawag ni Tongol, mabalin met nga imosyon ti opposing parties a defense wenno prosecution panel ti panagpa-contempt.
Nupay kasta, inbatad ti pannakangiwat nga agbalin a maudi a wagas laeng ti impeachment court ti panagpa-contempt gapu ta saan met nga istrikto ni presiding officer Chiz Escudero iti panagaplikar kadagiti probision ti impeachment rules kangrunaan iti silulukat a panangtalantan ti impeachment iti publiko.
Kunana a no maobserbaran ket saan met a naiget iti pannakaipatungpal ti rule 18 no sadinno a nailanad ditoy iti gag order wenno amin a senator judges, prosecutors ken lawyers ket saanen a nasken nga agsarita pay mainaig iti merits ti kaso.
