LAOAG CITY – Inpakaammu ni Kabayan partylist Rep. Ron Salo a rumbeng laeng ti pannaka-cite in contempt ti dati a presidential spokesman a ni Atty. Harry Roque.
Rimsua ti isyu kalpasan iti mapapati a di panangikankano ni Roque kadagiti hearing ken mapapati a panagulbod na iti hearing.
Maipalagip a saan nga immatendar ni Roque idi napan a lawas gapu ta adda hearing na iti Manila Regional Trial Court (RTC).
Ngem segun iti korte, awan ti kasta nga eskediul ti dati a Presidential spokesman.
Gapu iti daytoy, inaprobaran ti committee chairman ni Rep. Robert Ace Barbers ti pannaka-cite in contempt ni Roque.
Kabayatanna, nagtalinaed ni Roque iti kustodiar ti Kamara iti uneg 24 nga oras.
