LAOAG CITY – Patien ni City Agriculture Head Shiela Opelac a gapu iti kapadasanna ket ibilang isuna ni Mayor Micheal Keon kas Best Agriculturist ditoy siudad ti Laoag.
Segun ken ni Opelac, ammona dagiti karirikna dagiti mannalon ken mangalap ken kalikagumanda nga ipaay dagiti kasapulanda.
Innayonna a daytoy ti nagbalin a prayoridadna tapnu matulungan dagiti mangalap ken mannalon ditoy siudad.
Kabayatanna, inpanamnama ni Opelac nga itultuloy na ti serbisyo na kas mangidadaulo ti City Agriculture Office ditoy ciudad ti Laoag.
