LAOAG CITY – Inpakaamo ni Engr. Shiela Opelac, ti mangidadaulo ti City Agriculture Office ditoy ciudad ti Laoag a saan laeng a technical field ti ar-aramiden da wenno mapan makisarita kadagiti mangngalap wenno mannalon no diket karaman payen iti panagaramid ti nagduduma a produkto a mabalin nga adaptaren dagiti umili ditoy ciudad.
Segun kenkuana, trabaho ti opisina da ti mangkita wenno agbiruk kadagiti nagduduma a wagas a mabalin a pamastrekan ken makatulong kadagiti babbai iti barangay wenno dagiti rural women ken rural youth.
Inbatad na nga adda dagiti produkto nga agsobsobra kadagiti nagduduma a barangay kas iti marunggay ken dadduma pay a nateng a mabalin da nga aramiden wenno usaren tapno adda ti mapastrekan dagiti maseknan.
Mainaig iti daytoy, inpakaammo ni Opelac nga iti agdama ket manarimaan iti panagaramid da iti sabali manen a produkto a makatulong kadagiti inna tapno mapakan da dagiti annaka da iti nateng gapu ta saan a mailibak nga ado dagiti ubbing a saanna a kayat ti agsida ti nateng.
