LAOAG CITY – Saan pay a masinunuo ti City Agriculture Office ditoy ciudad ti Laoag, no ana ti maikagapu ti napasamak a fish kill iti Metro Gabu.
Segun ken ni Engr. Sheila Opelac iti City Agriculture Office, mannarimaan ti imbestigasyon da ken pannakaberipikar da babaen ti pannakitinnulong iti Bureau of Fishery and Aquatic Resources sipod ta saan da nga ammu ti gapu na ti panagpisti ti ikan iti nadakamat a lugar.
Nu pay kasta, impasigurado ni Engr. Opelac nga apaman a rumuar ti insayangkat da nga imbestigasyon babaen ti Fishery Task Force ken ti Bureau of Fishery and Aquatic Resources ket ipakaammo dan tu.
Kunana a maysa kadagiti patta-pattaen da a pakaigapuanan ket ti pay laeng El Niño Phenomenon.
Innayonna a ti nakaro a kinapudot ken nakaro a kinalamiis ket adda latta epekto na kadagiti ikan.
Daytoy ti rason nga inrekomendar da kadagiti fisher folk, a suroten da a nasayaat dagiti recommended stocking ken recommended feeding tapno saan a marigatan dagiti taraken nga ikan, no sadinno a ti kangrunaan a taraken nga ikan iti Metro Gabu ket tilapia, bangus, ken malaga.
Maipalagip nga idi napan a lawas ket nagpisti ti sumagmamano a a pupok nga ikkan dagiti mangngalap iti nadakamat a Barangay.
