LAOAG CITY – Linawlawagan ni Engr. Sheila Opelac iti City Agriculture Office ditoy ciudad ti Laoag, ti reklamo seknan iti pannakaibos ti lames iti dua a Barangay iti siudad ti Laoag.
Segun ken Engr. Opelac, saan a maipawil kadagiti nagduduma a barangay ti mapan agkalap kadagiti barangay a masakupan ti Padsan River.
Daytoy ket gapu iti napasamak iti Barangay 1, ken dagiti mangalap a naggapo Metro Lapaz, a dagitoy ket rumrumuar a nasita.
Kinuna na nga awan ti aniaman a linteg ken napagtutulagan a saan da a mapalubosan nga agkalap dagitoy iti Padsan River.
Innayon na a ti laeng saan da ipalubos ket nu rumuar da iti bisinidad ti ciudad a mapan agkalap iti sabali a municipalidad.
Kabayatanna, binallaagan ni Engr. Opelac a maysa kadagiti naiget nga iparparit da ket ti panagusar ti awan permit na a fishing paraphernalia.
