LAOAG CITY – Nagpalagip ti City Agriculture Office kadagiti mangalap ditoy ciudad ti Laoag nga iparehistroda dagiti bilog nga ususaren da iti panagkalap.
Segun ken ni Engr. Sheila Marie Opelac ti City Agriculturist a tinawenda nga iwaywayat ti panagirenew kadagiti bilog nga ususaren dagiti mangalap.
Kunana a daytoy ket maiyanatop iti nakailanad iti Revenue Code ditoy ciudad a dagiti laeng mapalubusan nga aglayag iti baybay ket dagiti adaan ti permit.
Inrakurakna a malaksid iti daytoy, nu ada dagiti maipaay a tulong kadagiti mangalap ditoy ciudad ket maiprayoridad dagiti nakapagrenew ti permit na.
Mainaig iti daytoy, dagiti agpa-renew ti permit na ket kasapulan laeng nga itugotda tay daan a permit ken sedula idinto a dagiti met ita laneg a mangala ti permit ket kasapulanda nga ipakita ti certificate of ownership ken kasapulan a matingiting ti bilog da nu simmurot met laeng iti naiyetnag a pagannurotan, nangruna ti kaatiddog ken pinta ti bilog.
Kabayatana, malaksid kadagitoy inpkaamo ti nasao a pangopisinaan nga adda ti sangkabassit a mabayadan apaman ti panag-secure da ti permit.
