LAOAG CITY – Inrakurak ni Ms. Mylene Pascual, ti City Environment and Natural Resources Head ditoy ciudad ti Laoag ti importansya ti pannakipagpaset iti Earth Hour ita nga aldaw.
Segun kenni Pascual, babaen iti panagiddep ti silaw ket adda ti ma-conserve ti enerhiya.
Inlawlawag na nga uray maysa laeng nga oras daytoy ket dakkel ti tulong na kas panangprotehir iti planeta nga Earth.
Kunana a daytoy pay nga aktibidad ti mangipalagip wenno mangaramid ti awareness iti Enivironmental Protection and Management.
Mainaig iti daytoy, inbatad ni Pascual a nagsurat ni Mayor Michael Marcos Keon kadagiti amin a kapitan ditoy ciudad, amin nga opisina ken estabishimento a makipagpaset iti daytoy.
Kabayatanna, ginutigot ni Pascual ti publiko a makidanggay iti tinawen nga aktibidad nga Earth Hour intono rabii iti oras ti 8:30 agingga iti 9:30.
