LAOAG CITY – Kalikagum ti City Government of Laoag a magun-od ti Department of Education – Schools Division Office ditoy siudad ti Laoag ti maikatlo a kampeonato ti Region 1 Athletic Association.
Daytoy ti inpakaammo ni Mr. Hipolito Salva Jr., mangidadaulo ti City Sports and Development Office.
Inbatadna a gagem ti lokal a gobierno a magun-od manen ti kampeonato babaen ti baro a liderato ni Mayor Bryan James Alcid.
Inlawlawagna nga addan ti pannakitaripnong ti Mayor kadagiti coaches manipud iti nagduduma a pagadalan ditoy siudad ti Laoag.
Kunana a kabayatan ti panagsanay ket adda dagiti maimbitaran a national coaches gapu ta mamati a dakkel a makatulong tapno agkampeon dagiti atleta no asino ti mangsanay ken no kasano a kabayag ti panagensayoda.
Maipalagop nga opisialen a nangrugin ti pannakaisayangkat ti inter school ken manamnama a sumaruno ti City Meet no sadinno a ditoy a maarisit wenno makita dagiti makilaban iti Region 1 Athletic Association.
