LAOAG CITY – Maragsakan ti City Government of Laoag a maaddaan da ti International Coach a mangtulong a mangsanay kadagiti atleta ditoy ciudad para iti mapaspasangasangan a R1AA wenno Regional Athletic Association Meet 2025.
Segun ken ni Mr. Hipolito Salva Jr. manamnama nga agturong ditoy probinsya ni Tony Benson maysa nga International Class Runner.
Isuna ti dati nga Australian 2,000 ken 3,000 meters record holder kasta pay a sub-4-minute miler ken pan pacific games 1500 meter champion ken dadduma pay.
Malaksid iti daytoy, inpakaammo na nga isuna pay ti nangsanay kadagiti sumagmamano a nalatak a Pilipino runner kas ni Lydia De Vega, Isidro Del Prado, Tito Tulaoag, Arseion Sagaray, ken Mayor Michael Marcos Keon.
Dagita nasao nga international atlete ket manamnama a makatulong iti Schools Division Office of Laoag a mangsanay kadagiti track and field athletes nangruna iti middle and long distance runners.
