LAOAG CITY – Agtultuloy ti panangipaay ti City Health Office ditoy ciudad ti Laoag iti libre a contraceptives kas ti pills ken condom.
Segun ken ni Dr. Rodrigo Catcatan, ti mangidadaulo iti City Health Office ditoy ciudad ti Laoag, dagiti contraceptives ket dakkel a makatulong tapno maliklikan ti Human Immunodeficiency Virus.
Kuna na a saan nga agalumiim dagiti residente nga agturong iti opisina da tapno agkiddaw kadagiti contraceptives ken inpasigurado na nga adda ti umdas a supply dagitoy.
Maipalagip nga immununan nga inpakaammo ni Dr. Catcatan nga addan ti tallo nga indibidual a nairekord ti opisina da a positibo iti Human Immunodeficiency Virus.
Segun kenkuana, nairekord ti nasao a bilang sipud idi Enero agingga ti Setyembre ita tawen.
