LAOAG CITY – Nagpalagip ti City Health Office iti babaen ni Dr. Rodrigo Catcatan mainaig iti sakit a leptospirosis ita a panawen ti panagtutudo.
Segun ken Catcatan, awan pay ti kaso ti nasao a sakit ditoy ciudad ngem inpasigurado na a nakasagana da para iti daytoy.
Ti leptospirosis ket maala iti bakterya manipud iti isbo dagiti bao.
Innayon ni Catcatan a no makarikna iti panaggurigur, rashes, sakit ti ulo, panagtagerger, panagbakwar, panaglabbaga ti mata, diarrhea ken dadduma pay ket siguradwen nga agpakunsulta nga insigida iti doktor.
Kabayatanna, adda met umdas nga agas ken bakuna kontra iti daytoy a sakit.
