LAOAG CITY – Nakasaganan ti City Health Office ditoy siudad ti Laoag iti panangsarabo ti baro a tawen.
Daytoy ti inpakaammo ni Dr. Rodrigo Catcatan, mangidadaulo ti City Health Office ditoy siudad.
Segun kenkuana, a nakasaganan dagiti personnel ti City Health Office ken Laoag City General Hospital pakairamnan dagiti medical equiment nga usarenda iti panangtaming kadagiti indibidual nga agsagaba ti sugat gapu iti paputok.
Nupay kasta, namnamaenna nga agtalinaed ti kappia iti panangsarabo ti baro a tawen nga awan ti asinoman a madangran.
Kiniddaw ni Dr. Catcatan iti publiko ti panagannad ken panangliklik ti panagusar ti paputok.
Immuna iti daytoy, nagballaag ti City Health Office a liklikan ti sobra a pannangan nangruna kadagiti nasasam-it, naapgad ken natataba ita a paskua tapno maliklikan ti risgo nga itundana dagitoy iti salun-at ita a paskua.
