LAOAG CITY – Kiniddaw ni Sang Panlungsod member RJ Fariñas ti pannakaimbitar ni Doctor Joseph Adaya, ti mangidadaulo iti City Health Office (CHO) ditoy ciudad ti Laoag.
Daytoy ket tapno masaludsud kenkuana maipanggep ti panagbakuna ditoy ciudad.
Inbaga na a kayat da a maamoan no mano aminen dagiti nabakunaan ditoy ciudad ti Laoag.
Malaksid ken ni Adaya, kayat da pay nga imbitaran ti City Administrator a ni Atty. Roxanne Castro tapno amwen da no kasapulan ti gumatang ti bakuna iti sumaruno a bolan.
Rakurak daytoy ni Fariñas kalpasan a nangngeg na iti maysa a kapitan kabayatan ti panagtataripnong da kadwa da ni Mayor Michael Marcos-Keon nga adda ti panagkurkurang ti suplay ti bakuna ditoy ciudad ti Laoag.
