LAOAG CITY – Inpakaammo ni Ms. Ruby Bunalade, officer-in-charge ti City Planning and Development Office ditoy siudad ti Laoag dagiti kwalipikado a maikkan ti tulong pinansyal manipud iti lokal a gobyerno ditoy siudad.
Daytoy ket babaen ti panangarisit da dagiti listaan nga insumitir dagiti opisyal ti barangay.
Kuna na a maibasar iti naaprobaran a guidelines ket kwalipikado dagiti displaced workers, senior citizen, person with disabilities, ken dagiti solo parent.
Segun kenni Bunalade, maikonsiderar iti validation dagiti agpapaay iti pribado a sector, dagiti katulong ken dadduma pay.
Inbatad na a karaman pay iti qualification ken validation dagiti barangay tanod.
Kabayatanna, inlawlawag ni Bunalade tio proseso ti panangarisit da dagiti agbalin a benepisyaryo no sadino a dagiti empleyado ti lokal a gobyerno ti agvalidate.
Kuna na a sumaruno ti panagpili da iti maysa a komperensya.
Inbutaktak ni Bunalade a dagiti datus a naawat da manipud iti nagduduma a barangay ket manipud tawen 2019, tawen 2018 ken adda pay iti 2017.
