LAOAG CITY – Adda ti nakita ni Acting City Prosecutor Ruflyne Tade iti Prosecutors Office a probable cause iti reklamo a naipila kontra kenni Atty. Michael Llaguno a natiliw iti drug buy bust operation idi Hulyo 29, 2019 ditoy ciudad ti Laoag.
Daytoy ti kinumpirmaran ni Police Chief Master Sergeant Harold Nicolas, team leader ti Provincial Drug Enforcement Unit (PDEU).
Segun kenni Nicolas, nakita ti prosecutors office a naglabsing ni Llaguno iti Section 5, Section 11, ken Section 12 iti Republic Act 9165 wenno Dangerous Drugs Act of 2002.
Inlawlawag ni Nicolas a kalpasan ti desisyon ti prosecutors office ket isubli na iti piskalya ditoy ciudad ti Laoag tapno maipila met ti kaso iti korte.
Inpetteng pay ni Nicolas a nasaysayaat nga iti korte a paneknekan ni Llaguno dagiti akusasyon na kas iti iligal a pannakaarestar na, panagimula iti ebidensya ken dadduma pay.
Maipalagip a a natiliw ni Llaguno iti inyuswat a drug buy bust operation ti PDEU ken PNP-Laoag gapo iti transaksyon na iti iligal a droga kadagiti sumagmamano a lugar ditoy probinsya kas iti ciudad ti Batac ken Laoag, ili ti Paoay ken dadduma pay, ken adda daytoy iti Directorate for Intelligence wenno DI watchlist ti PNP.
