LAOAG CITY – Agtultuloy ti nagduduma a programa nga ipapaay ti City Social Welfare and Development Office ditoy ciudad ti Laoag.
Daytoy ti inrakurak ti mangidadaulo ti City Social Welfare and Development Office a ni ni Ms. Perlita Cabello.
Kunana nga iti kallebes ket adda naangay a supplemental feeding distribution, ken kalpasan ti maysa a bulan ket maiyuswat manen daytoy iti las-od ti 120 nga aldaw.
Innayonna nga iti tunggal aldaw ti Martes ket adda maiyus-uswat a milk feeding program a maididiaya kadagiti agad-adal iti Day Care iti nagduduma a Day Care Center ti nadakamat a ciudad, daytoy ket babaen ti pannakibinnulig ti Philippine Carabao Center.
Kabayatanna, inpetteng ni Cabello a daytoy milk feeding program ket makatulong kadagiti ubbing a mamentinar ti nutrisyonda.
