LAOAG CITY – Inadmitir ni Mrs. Perlita Cabello, ti officer in-charge ti City Social Welfare and Development Office ditoy ciudad ti Laoag a narigat da a kontrolen dagiti Badjao nga agpalpalama iti kalsada.
Segun kenni Cabello, addan ti gundaway nga intulnog da ti nasurok 70 a Badjao iti ili ti Badoc ngem nagsubli dagitoy.
Kunana kinasarita na pay ti maysa kadagitoy ngem natangsit da ken ibaga da a saan da met piliten ti tao a mangted.
Inbatad na pay a daytoy ti rason nu apay a nakisarita iti Sang. Panlungsod ken nangisagana da ti draft ordinance tapnu isu ti pakaiyatadayan dagiti masapol nga aramiden ti ciudad.
Ummuna iti daytoy ket addan ti koordinasyon ti ciudad ken probinsia.
Malaksid iti daytoy, kinasarita pay ti City Social Welfare and Development Office dagiti jeep kada bus ngem saan da malapdan dagitoy nga aglugan sipod ta adda met ti kwarta da.
Kabayatanna, inlawlawag ni Cabello nga adda ti linteg a mangipawil ti panagdawdawat ti kwarta nga agsursur wenno ti RA 1564.
