LAOAG CITY – Nakasagan ti City Tourism Office ditoy siudad ti Laoag para iti selebrasion ti Pride Month.
Segun kenni Mrs. Mary Jane Leaño , mangidaulo iti City Tourism Office ditoy siudad a naruay dagiti aktibidad nga insaganada para kadagiti kameng iti LGBTQIA+.
Kunana a karaman ditoyen iti Pride Run a maisayangkat inton Hunio 27 no sadinno a daytoy ket libre wenno awan iti registration fee-na ken agbado laeng iti colorful a bado.
Mainaig iti daytoy adda pay iti Pride Trade Fair ken Alisto Olympics a daytoy iti maysaa kadagiti paglalabanan dagiti LGBTQIA+ kadagiti nagduduma nga sports kangrunaan iti Basketball, Volleyball ken Dances Sports.
Innayon ni Leaño a napateg iti pannaka selebrar iti Pride Month gapu ta dakkel iti akem dagiti kameng iti LGBTQIA+ iti kommunidad.
