LAOAG CITY – Inbatad ni Atty. Charito Malicad, ti mangidadaulo iti City Tourism Office a maysa kadagiti nakaipalaon iti tourism development plan ditoy ciudad ti Laoag ket ti pannakapapintas iti 1 kilometer marker.
Kunana a daytoy ket tawid manipod kadagiti kastila wenno iti maaw-awagan kas mukon a masarakan iti Ablan Avenue wenno ad-adda nga am-ammo kas Bacarra road.
Inlawlawag na a maysa a kilometro manipod iti nasao a mukon ket mapapintas gapo ta daytoy ket rumbeng a mapreserba a kas paset ti heritage ditoy ciudad ti Laoag.
Kunana a kabayatan ti pannakaimplementar daytoy ket adda dagiti paset ti lugar a maapektaran aglalo kadagiti sumagmamano a negosyo isut gapuna nga addan to ti pannakisarita ti gobierno lokal kadagiti maseknan.
