LAOAG CITY – Inpakaammo ni Ms. Mary Jane Leaño, Officer In Charge ti City Tourism Office ditoy siudad ti Laoag nga adda ti maisayangkat a Lenten Journey kas paset iti pannakaobserbar ti Holy Week.
Inbatadna a mangaramidda kadagiti nagduduma nga station of the cross ditoy siudad ti Laoag.
Inlawlawagna a daytoy nga ideya ket matulungan pay dagiti kalesa gapu ta dagiti mangayat a mapadasanna iti kastoy ket agluganda mismo kadagiti kalesa.
Kunana nga adda ti ruta wenno dalan a masurot a mapan kadagitoy.
Innayonna a daytoy nga addang ti opisinada ket kas panangallukoy pay kadagiti local ken foreign tourist ita a Semana Santa.
