LAOAG CITY – Inpakaammo ni Dr. Samantha Licudine, ti mangidadaulo iti City Veterinary Office ditoy ciudad ti Laoag dagiti requirements tapno makaampon iti taraken nga aso ken pusa iti opisinada .
Segun kenkuana, ti panagampon iti taraken nga aso ken pusa ket saan a basta agturong laeng iti opisinada tapno mangala kadagiti dingwen.
Inlawlawagna a ti umuna nga aramiden da ket agturong ti opisinada tapno nga agfill-up iti Visitor’s Logbook, dumalanda ti assessment ken clearance, agfill-up iti Adaptation Form and Contract ken agbayad dagitoy iti 500 pisos kas adoption fee ken 50 a pisos para iti pet registration.
Malaksid iti daytoy, kasapolan pay a mangitugot dagitoy iti maysa a valid Identification Card ken iti dog cage.
