LAOAG CITY – Mabigbigbig ti ciudad ti Laoag kas umuna ken agmaymaysa a local government unit a mangipapaay ti ‘milestone award’ kadagiti senior citizen kadagupan kadagiti local government units ditoy probinsya.
Mainaig iti daytoy ket inpasigurado ti lokal a gobierno ditoy ciudad nga agtultuloy ti pannakaipatungpal na daytoy kas kanayunan a tulong kadagiti senior citizen nangruna kadagiti kasapulan da.
Ti milestone award ket naimplementar kalpasan nga inaprobaran ti Sangguniang Panlungsod ti ordinansa nga inisponsoran ni Konsehal Handy Lao no sadinno a dagiti agtawen ti pitopulo agpangatu ket maikkanda ti tinawen a cash incentive kada madanunanda ti panagkasangay da.
