LAOAG CITY – Plano ti grupo a Kilusang Makabansang Ekonomiya (MKE) a mangisayangkat ti maysa a “People’s Court” wenno korte ti komunidad kagiddan ti posible nga impeachment trial ni Vice President Sara Duterte iti Senado.
Inbatad ni Jaime Regalario, Chairman ti Kilusang Makabansang Ekonomiya, gagem daytoy a maaddaan ti naiget a panagbantay ti publiko iti panagtaray ti ebidensia ken hustisia.
Target ti grupo nga iwayat ti bukudda a panagdengngeg iti uneg mismo ti Senate compound ken planoda a kasarita ni Senate President Tito Sotto para iti puesto daytoy.
Kuna ni Regalario, mangalada kadagiti kopya ti ebidensia manipud iti Senado tapno idatag met iti forum-da a pakipasetan dagit nagduduma a sektor ken dagiti retirado a mahistrado kas kada dati a Chief Justice Maria Lourdes Sereno ken Reynato Puno.
Depensa ti grupo, saan daytoy a maysa a “kangaroo court” no diket maysa a lehitimo a wagas ti pannakipartisipar dagiti umili iti panangbiruk iti panangpasungbat.
Naammoan nga agserbi daytoy a “balance” iti agbalin a desision ti Senado no bilang saan nga agtugma iti kinapudno nga iparuk-at ti bukudda a panangtingiting.
