LAOAG CITY – Inpakaammo ni Major Bryan Albano (INF) Civil Military Operations Officer ti 501st Infantry Valiant Brigade iti Philippine Army a naiget iti panagmonitorda kadagiti rebelde a saan pay a nagsubli iti sidong ti gobierno.
Segun kenkuana, kangrunaan a panggep ti operasyon da ket ti pannaka-recover kadagiti lugar a pagnanaedan dagiti rebelde, partikular iti Ilocos Sur ken dadduma pay a paset ti probinsia ditoy rehion 1.
Mainaig iti daytoy, naiget a menmenternaran ti Philippine Army ti seguridad iti rehion uni tapnu mataginayon ti kinatalged ti kappia ken natalged nga aglawlaw.
Segun kenkuana, agtultuloy ti panagpatrolia ken operasionda kadagiti lugar a pagaammo kas pagnanaedan dagiti taliwas iti gobierno.
Malakasid iti daytoy, nagyaman ni Major Albano kadagiti umili a mangipakaammo kadagiti sightings ti New People’s Army (NPA) ken Communist Party of the Philippines (CPP).
Inpasigurado ti Philippine Army pakairamanan ti Philippine National Police a maikkan ti atension daytoy nga impormasion tapno malapdan ti panagsubli dagiti rebekde kadagiti nadakamat a lugar.
Innayonna nga agtultuloy ti panangrekrut dagiti rebelde kadagiti indibidual manipud kadagiti nasulinek a lugar ken agtutubo.
Kinunana iti umuna a kagudua ita a tawen, mairugi ti enhanced education campaign kontra iti Communist Party of the Philippines- New People’s Army recruitment a pakairamanan dagiti nagdumaduma nga ahensia ti gobierno, tapno maiyadayo dagiti agtutubo ken dadduma pay nga indibidual manipud iti saan nga umiso nga impluensia dagiti rebelde.
Kabayatanna, dakkel a bilang ti mairekrekordda kadagiti rebelede a nagsubli iti sidong iti gobierno.
