LAOAG CITY – Inlawlawag ti Civil Service Commission a mabalin nga ag-like, share, agkomento wenno ag-repost ti election-related content iti social media dagiti government employees laketdi saanda nga agkidkiddaw ti suporta wenno mangperdi iti maysa a kandidato wenno grupo kabayatan ti panagkampania.
Inbatad ti Civil Service Commission a masapul nga agbalin a naannad iti panagusar ti social media tapno maliklikan ti partisan political activities.
Daytoy ket maibasar iti Civil Service Commission Memorandum Circular No. 3, s. 2025 a mangpalagip kadagiti opisial ken empleado tapno mapagtalinaed a political neutrality kas naiyataday iti 1987 Constitution.
Immuna iti daytoy, adda ti immun-una nga in-post ti Civil Service Commission maipanggep iti daytoy a banag a nangitunda ti panagriro ti pannakaawat dagiti umili.
