LAOAG CITY – Posible nga iti laeng probinsya ti Ilocos Sur ken La Union ti pakaiyuswatan ti Civil Service Examination iti Luzon.
Daytoy ti inbatad ni Atty. Rex Amy, mangidadaulo ti Civil Service Commission (CS) ditoy probinsya.
Segun kenni Amy, dagiti nadakamat a probinsya ket nagkiddaw iti National Office ken maiyur-uray pay laeng ti pannakaaprobar na gapo ta naiget a maadal pay laeng daytoy.
Mainaig iti daytoy, inlawlawag ni Amy nga awan ti maisayangkat nga eksaminasyon ditoy Ilocos Norte gapo ta naikonsiderar ti sitwasyon ti probinsya iti agdama ken kalpasan a nangiwayat ti survey ti CSC National Office.
