LAOAG CITY – Naapektaran ti clearing operations dagiti bangko ditoy Ilocos Norte gapo ti pannakasuspenso ti trading.
Daytoy ket gapo pay laeng ti nationwide transport strike ita nga aldaw.
Reaksyon daytoy ni Mr. Albert Casas, maysa nga economist ken mangidadaulo ti Bankers Association of Laoag City and Ilocos Norte (BALCIN).
Gapo iti daytoy, kuna na a dagiti nag-isyu ti tseke ket saan a mai-debit ken dagiti umawat ket saan a mai-credit.
Kabayatanna, agbingay met ti kapanpanunutan ni Casas seknan ti pannaka-phase out dagiti daan a modelo ti pampasahero a jeep.
Kunana daytoy ket gapo ta adda ti sektor a maapektaran ken adda met ti sektor a pabur iti transport strike.
