LAOAG CITY – Nagtalinaed nga undefeated iti ay-ayam ti Cleveland Cavaliers iti regular season kalpasan nga inabakna ti Golden State Warriors iti iskor a 136 – 117.
Gapu iti daytoy, iggemen ti Cavaliers ti iskor a 10 – 0 win/loss record. Ti Cavaliers ti kakaisuna a koponan iti NBA a nangibulsa ti nasao a rekord sipod idi naaramid daytoy ti Warriors idi 2015 – 2016 season.
Nakaaramid ti Cavaliers ti 39 big points iti panagngudo ti 1st half ti ay-ayam.
Pinilit met ti Warriors a bumangon iti 3rd quarter ken dagus a nagpastrek ti 41 points kontra iti 29 points ti Cavaliers.
Nupay kasta, dakkel unayen ti gidyat ti Cavaliers tapno makakamakam ti Warriors iti panagleppas ti ay-ayam.
Naminsan a nangipakita ti napintas nga opensa ti Cavaliers babaen iti 27 points ni Darius Garland, 23 points manipud ken ni Evan Mobley ken 20 points manipud iti bench ken dati a Warriors player a ni Ty Jerome.
Saan met a naisalbar ni Stephen Curry ti team-na kalpasan a nalimitaran laeng iti 12 points idinto a 3 points laeng ti naaramid ti shooter a ni Buddy Hield.
Daytoy ti maikadua a pannakaabak ti Warriors ita a season no sadinno nga iggemda ti pito a panangabak.
