LAOAG CITY – Dakkel a karit ita ti Cleveland Cavaliers iti panangsangoda iti Boston Celtics iti Game 2 ti Eastern Conference Semifinals-da.
Daytoy ket gapu iti saan a panagay-ayam ti star player-da a ni Jarrett Allen gapu iti injury.
Iti umuna nga ay-ayam ket ginundawayan ti Celtics ti home court advantage no sadino tinambakan isudu ti Cavaliers iti iskor nga 120-95.
Adda iti fourth seed iti Eastern Conference ti Cavaliers nga addaan ti 48 a panangabak ken 34 a pannakaabak idinto ti Celtics ket adda iti first seed nga addaan ti 64-18 record.
Inabak ti Cavaliers ti Orlando Magic iti first round ti playoffs iti pito nga ay-ayam idinto ti Celtics ket inabak ti Miami Heat iti lima nga ay-ayam.
