LAOAG CITY – Balligi ti pannaka-iwayat ti Climate Change and Gender Reveal program iti City Auditorium ditoy ciudad ti Laoag.
Nakipagpartiosiparan daytoy dagiti miembro ti KALIPI Org., Pantawid Pamilyang Pilipino Program wenno 4ps beneficiaries, Daycare parents, pakairamanan ti Zonta Club.
Segun ken ni Vice Mayor Carlos Fariñas, napateg ti panagtitinulong ti kumunidad tapno malapda ti agtultuloy nga epekto ti panagbalbaliw ti klima ken tapno maitandudo ti gender inclusivity ditoy ciudad.
Kunana a dakkel ti nagbalin nga epekto dagiti naglabas a didigra nga isu ti makitkita na a rason a makaap-apektar biti aglawlaw.
Kabayatanna, inpagunam-gunam pay ti Bise Mayor ti kinapateg ti gender inclusivity tapno ti kasta ket maliklikan ti aniaman a diskrimisnasyon.
