LAOAG CITY – Manamnama a maipadalan ita nga aldaw iti swab testing dagiti nadeterminar a close contact ni IN-C686, lalaki, agtawen ti 47 ken empleyado ti gobyerno ken residente iti Brgy. Saludares iti ili ti Dingras.
Segun kenni Barangay Chairman Hermoso Palomares, umabot iti 10 dagiti primary contacts ti maseknan idinto nga immunan a naipadalan iti swab test ti pamilya ken katrabaho ti maseknan.
Kuna na nga agtrabtrabaho met laeng ti pasyente iti Brgy. Saludares.
Inbatad ni Palomares a tallo a sitio dagiti naipadalan iti lockdown ngem nakasentro ti imatang da iti sitio a paggigiyanan ni IN-C686.
Innayon na a nagpositibo iti antigen test ti maseknan kabayatan iti kaadda na iti Border Control.
Naamuan a naawis nagmaneho daytoy a napan iti probinsya ti La Union itay kallabes.
