LAOAG CITY – Naiwayat ti “closed door meeting” iti nagabetaan da Gov. Imee Marcos kenni Gov. David Ige ti Hawaii.
Daytoy ti inbatad ni Mr. Jun Arvin Gudoy, mangidadaulo ti Communications and Media Office iti kapitolyo probinsiyal
Kuna ni Gudoy a kangrunaan a nagsaritaan da Marcos ken ni Ige ket panggep ti “business ken investment opportunities”.
Malaksid ken ni Gov. Marcos a kinataripnong ni Gov. Ige, kinataripnong na pay dagiti mayor ti Ilocos Norte.
Kadua ni Ige iti panagbisita na ditoy Ilocos Norte ni Mr. Brandon dela Cruz, Presidente ti Filipno Chamber of Commerce and Industry no sadinno a kinatripnong na ti “counterpart” na iti Philippine Chamber of Commerce and Industry.
Innayon ni Gudoy a nabayag nga adda ti bimmisita a nangato nga opisyal ti Hawaii ditoy probinisya sipud naestabalisar ti relasyon da ket patien na a dakkel a tulong daytoy kadagiti umili.
Malaksid ti Ilocos Norte a binisita ni Gov. Ige ket bisitaen na pay ti Ilocos Sur, Manila ken Cebu iti makalawas a kaadda da ditoy pagilian.
