LAOAG CITY – Ad-adda pay a mapalawa ti clustered farming ditoy probinsia babaen ti Provincial Agriculture Office.
Segun kenni Engr. Maria Teresa Bacnat, Officer-in-Charge iti nasao a departamento, palawaen da ti masakopan ti programa gapu ta nakita da ti kinapintas ti resulta na nangnangruna no mapagtitipon dagiti agpapada a produkto iti pannakailako na.
Kunana a nangrugi ita nga Oktubre ti panagmula ti High Value Crops kas iti bawang, sibuyas ken kamatis a nakaipatungpalanen iti nasao a programa itay kallabes.
Inlawlawag na a nalaklaka laeng a maibirukan ti “institutional buyers” dagiti produkto dagiti mannalon no naka-cluster dagiti mannalon a nagmula iti maymaysa a klase ti produkto.
Innayon ni Bacnat a manipud iti dati a nailatang a pondo para iti daytoy a programa ket duapulo ket siyam a milyon a pisos ti napagbalin.
