LAOAG CITY – Agsagsaganan ti Communication and Media Office iti mapaspasangasangan nga State of the Province Address wenno SOPA 2024 ni Gov. Matthew Marcos Manotoc iti daytoy a bulan.
Segun ken ni Mr. Jerby James Gumari ti mangidadaulo ti nasao a dpagopisinaan a manamnama a maiwayat inton Setiembre 30, ken maangay iti Centennial Arena ditoy ciudad ti Laoag.
Kunana a mapaayaban dagiti amin, opisyal ti probinsya, amin a kapitan kadagiti nagduduma a barangay, pakairamanan dagiti nagduduma nga opisyal kadagiti nagduduma nga ahensya tapno mangegan da a personal ti State of the Province Address ti Gobernador.
Mangnamnama pay nga adadda a nagargarbo ken napinpintas ti State of the Province Address ita a tawen ngem kadagiti napalpalabas a tawen.
