LAOAG CITY – Irekomendar ti COA ti pannakaited ti sueldo dagiti responsable nga opisial ti DepEd iti nasurok a Php 6.9-B unliquidated cash advances.
Inrekomendar ti Commission on Audit (COA) ti naig-inget a wagas, pakairamanan ti withholding salaries ken panangipatungpal ti pannusa, kadagiti opisial ti DepEd a napaay a nang-liquidate iti cash advances (CAs) nga agdagup iti Php 6.96 billion agingga idi Disiembre 31, 2023.
Iti 2023 Annual Audit Report-na, nakita ti COA ti saan a naiget a panangtungpal ti DepEd kadagiti linteg ken pagannurotan a nagresulta iti panagurnong dagiti unliquidated CA. Karaman kadagiti kangrunaan a pagkurangan ti panangipaay kadagiti CA nga awan ti umno nga otoridad, panangyakar iti pundo iti nagbaetan dagiti accountable officers (AOs), saan a nasayaat ti panangi-bond kadagiti AO, ken panagbayad kadagiti gastos kas iti Service Recognition Incentives (SRI) babaen kadagiti CA imbes a direkta a bayad.
Basar iti report, ti top regions nga addaan ti kangatoan nga unliquidated balances ket pakairamanan ti; Region VII (Central Visayas) : 1.31 billion Region VIII (Eastern Visayas): 1.01 billion Region XII (SOCCSKSARGEN): 819.4 million Region IX (Zamboanga Peninsula): 537.1 million Region VI (Western Visayas): 513.9 million idinto iti NCR (National Capital Region): 301.9 million.
Tapno masolbar daytoy, inrekomendar ti COA dagiti sumaganad: Isardeng ti panangipaay kadagiti baro a cash advance kadagiti opisial nga addaan iti pending balance. Mangipaulog kadagiti demand letter kadagiti aktibo nga empleado tapno mapilit ti liquidation.
Isardeng dagiti sueldo ken dues dagiti delinquent AOs agingga a mabayadan dagiti obligasion. Mangipatungpal kadagiti pannusa babaen kadagiti pagannurotan ti Civil Service Commission (CSC) para iti pannakaitantan.
Isurat dagiti dormant account a saan pay a nasolbar iti sumurok a sangapulo a tawen. Nakita met iti report nga iti dadduma a kaso, dagiti saan pay a nabayadan a balanse a karaman dagiti accountable officers a nagretiro, nagikkat, nag-AWOL wenno naiyakar nga ad-adda a nangparikot iti proseso ti panagsubli.
