LAOAG CITY – Pinatgan ti Commission on Audit (CoA) ditoy ciudad ti Laoag ti kiddaw ti Sang Panlalawigan a subpoena deuces tecum mainaig iti maikadwa a kaso ni Barangay Chairman Rufino Bareng iti Barangay 27 ditoy ciudad.
Daytoy ti inbaga ni Vice Mayor Vicentito Lazo ditoy ciudad.
Nupay kasta, kuna ti bise mayor nga adda ti maysa laeng a dokumento partikular ti sertipikasyon a saan a naisumitir iti nasao nga opisina.
Inbaga ni Lazo a mangisyu da ti preliminary conference order tapno maikkan ti gundaway ti bangir a partido a mangipresentar ti documentary exhibit da.
Naamoan a ti maikadwa a kaso ni Rufino ket adda ti pakainaigan na ti pondo ti barangay a naireallign no sadinno a mausar koma para iti pannaka-renovate ti barangay hall ngem nausar iti pannakaaramid ti arko nga itan ket naperdi.
