LAOAG CITY – Kalpasan a napaneknekan ti pannakaiparuk-at ken encashment ti P612.5 milyon a confidential funds, iyakar ti prosekusion ti pokus iti puon no kasano a nausar ken na-liquidate ti nasaoa pundo a napan iti Office of the Vice President (OVP) ken Department of Education (DepEd) iti babaen ti administrasion ni Vice Prsident Sara Duterte.
Segun ken ni House presecutor ken Manila Rep.Joel Chua, ti sumaruno nga addang ket maipokus iti Commision on Audit (COA) tapno tingitingen dagiti dokumento a maisubmitir ken dgiti maduktalan kalpasan a matingiting ti nasao a pondo.
Dua nga opisial ti Commision on Audit ti ipasango ti prosekusion a baro a testigo iti Lunes, Agosto 3. tapno mapaneknekan dagiti akusasion ti culpable violation ti konstitusion, graft ken corruption, ken betrayal of public of trust mainaig ti saan nga umno a pannakausar ti confidential funds.
Inbatad ni House prosecution spokesperson Lanao del Sur Rep. Zia Alonto Adiong a dagiti sumaruno nga aldaw a panangusig ket maipakita ti prosekusion ti nagbalin a wagas ti pannakkaiggem ti milyon a pondo.
