LAOAG CITY – Mamati ni Coach Joan Bosch nga ado pay ti mabalin na a padur-asen iti panagay-ayam ni Filipina tennis star sensation Alex Eala iti baet ti alisto a panagdur-as na iti lubong ti tennis.
Iti maysa nga interview, inbatad ti Spanish coach nga arigna amin nga aspeto ti ay-ayam ni Eala ket mabalin pay a madevelop, karaman ti serve, return, forehand, backhand, volley, footwork, endurance ken speed.
Segun ken ni Bosch, napateg ti proseso ti agtultuloy a pannakasursuro ken panagdur-as ni Eala.
Inpetteng na pay nga alisto a maiyaplikar ni Eala dagiti baro a nasursuro na iti training ken nalawag met ti gagem na para iti daytoy a development.
Inburay pay ni Bosch ti kinapateg nga adda ti panagtalek da iti tunggal maysa ken ni Eala kas coach ken player.
