LAOAG CITY – Nagpinnirma ti memorandum of agreement ti Philippine Coastguard nga indaulwan ni Coastguard Captain Ivan Roldan ken ni Vice Mayor CarlosFariñas para ti pannaka-usar ti lugan ti Sang. Panlungsod.
Daytoy ket tapno adda usaren dagiti kameng ti Philippine Coastguard a nakabase ditoy probinsya, partikular ditoy ciudad ti Laoag para iti maritime security operation, maritime safety administration, ken maritime law enforcement a nakailanad iti Republic Act 9993 wenno ti Phil. Coast Guard Law of 2009.
Ti nadakamat a behikulo ket nakiddaw babaen iti nadakamat nga ahensya, kabayatan ti ibibisita da iti Sang. Panlungsod, no sadinno a pinatgan met ti Bise Mayor.
Mainaig iti daytoy ket maipalagip a nagipabulod manen ti Sang. Panlungsod ti lugan iti Bureau of Fire Protection ditoy ciudad ti Laoag, gapu iti kinakurang ti behikulo nga usarenda iti panag-rooving.
Kabayatanna, immunan nga inbatad ti Bise Mayor a no man adda agkasapulan nga ahensya iti kakastoy ket silulukat ti opisina ti local government unit ti ciudad ti Laoag.
